Ќе се казнува неовластеното oнлајн тргување со хартии од вредност

Физичките лица кои неовластено тргуваат или вложуваат преку Интернет во хартии од вредност на странски пазари би можеле да се соочат со високи казни, предупредуваат Министерството за финансии и Народна банка на Република Македонија.

Институциите велат дека Законот за девизно работење им забранува на физичките лица да вложуваат во акции, обврзници и други инструменти на странски пазари преку интернет сервиси. Според властите, рекламите кои ветуваат голема заработка од тргувањето преку Интернет се контра-продуктивните бидејќи се со голем ризик и може да ги чинат граѓаните до 3.000 евра казна.

„Тргувањето преку интернет-платформите со себе носи голем број ризици и може да доведе до високи загуби за вложувачите. За да се спречи ваквото тргување, надлежните органи почнаа да преземаат мерки за откривање и казнување на физичките лица коишто неовластено тргуваат и вложуваат преку овие интернет-платформи“, вели Министерството за финансии.