3D Digit е интензивна, еднонеделна работилница за 3Д моделирање и анимација, закажана за периодот од 20 до 27 април оваа година. Работилницата е во организација на Студенскиот парламент на Факултетот за информатички науки и компјутерско инженерство (ФИНКИ), во соработка со реномираното македонско студио Fx3x и акселераторот NewMan’s Business. Можноста за учество на 3Д-работилница со луѓе од Fx3x студиото, кое работеше на Guardians of Galaxy и Captain America: The Winter Soldier, два филма номинирани за Оскар за ефекти; би требало да е доволна мотивација за сите заинтересирани да се пријават за учество во работилницата.
Пријавувањето е во тек и трае до 5ти Април, начинот на селекција на учесниците ќе се одвива според предзнаењето кое го имаат од темата, односно колку ја познаваат програмата Autodesk Maya која ќе се користи на работилницата. Финалето на работилницата ќе се одржи на 27 Април во Киното Фросина, каде што жири ќе го одлучи победникот од работилницата.
[youtube]pszNJBHpFKw[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Visit our HTML tutorial