ИТ настан: Студентите и компаниите ќе се поврзат на саемот за вработување и кариера, Job Fair 2013

Avatar img-thumbnail img-circle

во ИТ.МК

Деветиот саем за вработување и кариера Job Fair 2013 годинава ќе се одржи од 22-ри до 24-ти април на Факултетот за електротехника и информациски технологии во Скопје. Oрганизиран од непрофитната студентска организација БЕСТ, Job Fair има за цел да ги поврзе студентите и компаниите за да им обезбеди шанса на вработување, односно наоѓање на нов кадар.

На настанот, студентите ќе имаат можност да откријат пракси, стипендии за дипломски и постдипломски студии, и да го престават своето резиме пред потенцијалните работодавачи. Компаниите кои учествуваат ќе имаат шанса за таргетирана промоција, информирање и истражување на идната работна сила во Македонија, како и за наоѓање на вистинскиот талент за вработување. Компаниите ќе одржат и презентации за споделување на искуство и совети во градењето на кариера.

Настанот е отворен за сите заинтересирани, а студентите се поканети да ги достават своите резимеа и биографи на jobfair.org.mk.

[youtube]h6ElWLdJygM[/youtube]

Добивај известувања
Извести ме за
guest
0 Коментари
Inline Feedbacks
View all comments