Започнува новата сезона на Mobile Monday Macedonia. Ќе ја отвори Митко Цабевски кој ќе го сподели своето искуство со стартапот Ambio.me со кој се натпреваруваше на SeedCamp во Њу Јорк и беше финалист на WebFest.me. Ambio.me го привлече вниманието на натпреварите бидејќи е ретка идеја на мобилен магазин кој прикажува содржина базирана на локација. Tука ќе прочитате интервју со Митко.
Останувајќи верен на традицијата, единаесетиот Mobile Monday ќе се одржи на првиот понеделник од месецот, се паѓа на 1 октомври, во Клубот на новинари со почеток во 18:30 часот. Сите заинтересирани се поканети да учествуваат на дискусијата на која ќе се разговара со Митко. Ова се темите за дискусијата:
- Искуството во креирањето на Ambio.me;
- Искуствата од учеството како финалист на SeedCamp NY 2012 и WebFest;
- Искуството во креирање на стартап;
- Трендови во развојот на мобилни апликации;
- Иднината на мобилните апликации.
Покрај Ambio.me, гости на настанот ќе бидат и претставници на невладината организација ХОПС кои ќе претстават концепт на апликација со цел да пронајдат заинтересирани кои би сакале да ја изработат истата.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
