Facebook постојано се обидува да додаде некој новитет на сите платформи и сервиси кои ги поседува. Ова важи баш за сè, од виртуелната реалност до платформи како Instagram.
Најновата надградба доаѓа на Instagram. Корисниците отсега ќе може да видат кога некој од нивните Instagram пријатели е онлајн. Ова секако ќе помогне во комуникацијата со пријателите, но Instagram баш и не е креиран за ова. Корисникот ако сака ќе може во целост да ја исклучи оваа функционалност или да го скрие својот статус.
Инаку статусот е одбележан со зелено кругче слично како на Facebook Messenger, но и на AOL Instant Messenger, забележува Verge.
Колку оваа функционалност му е потребна на Instagram? Најверојатно не многу, но сепак друштвената мрежа е решена да ја додаде ама баш секоја функционалност која ќе им паден на памет.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
