Colomb.io е хрватски стартап кој преку Android и iOS апликации ги поврзува новинарите и публиката. Апликацијата овозможува новинарите да креираат содржини со помош на „краудсорсинг“ на информации од публиката, или барем да понуди можност за известување од прва рака од присутните на местото на настанот. Colomb.io е и геолокациска алатка која им овозможува на медиумите да побараат текстови, фотографии или видео од новинари кои се во близина на настаните.
Дополнително апликацијата овозможува и исплата, но и понуда за награди на креаторите на содржина, а новинарите истовремено имаат пристап до поголема публика, а токму публиката ќе биде најдобро информираниот репортер на медиумот. Исплатата е директно во апликацијата, а парите можат да се подигнат преку PayPal. Стартапот влезе помеѓу дванаесетте финалисти во кои бугарскиот акселератор Eleven ќе инвестира 25.000 евра.
Colomb.io – Mobile reporting app from Colomb.io on Vimeo.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
