Internet.org, односно планот на Facebook да обезбеди бесплатен интернет за oстанатите милијарда луѓе кои не можат да си дозволат пристап до Интернет, преку соработки со оператори; сега е навистина отворен за сите. Сите девелопери ќе можат да креираат едноставни и ефикасни сервиси и апликации до кои корисниците ќе можат да пристапат бесплатно, и околу кои ќе може да се креираат нови бизнис модели што ќе надоместат за бесплатниот пристап. Пример е мобилна апликација достапна во Замбија, Танзанија и Кенија преку која корисниците имаат бесплатен пристап до некои основани сервиси. Или нешто налик на 0.facebook.com за кој не се наплатува мобилниот сообраќај, и кој е достапен и во Македонија преку одредени оператори.
Но, имаше критики дека Internet.org се чува зад „заѕидана градина“, односно се пребираат партнерите и се фаворизираат сервиси на Facebook на штета на други, што е проблем за интернет неутралноста, и што не помага воопшто за развој на технологијата. Затоа сега Facebook го отвори Internet.org за сите девелопери, односно како што вели Марк Закерберг, „од проект го направивме платформа“.
„Нашата цел е Internet.org е да се има соработка со што е можно повеќе девелопери и претриемачи за да овозможиме нивно поврзување во разноврсна комуникација во локални заедници. За ова ќе понудиме сервиси преку Internet.org на начин кој ќе мора да биде транспарентен и инклузивен“, велат од Facebook.
Платформата е отворена за сите девелопери, но има неколку принципи кои партнерите мора да ги исполнат. Од партнерите се бара да овозможат истражување на повеќе сервиси на Интернет, а не само на една апликација, пример сервиси за кој е неопходен пристап до широкопојасен интернет VoIP, трансфер на фајлови, видео содржини и слично. Конечно сервисите треба да бидат достапни и оптимизирани за паметни телефони и слободни од JavaScript или SSL. „Градиме отворена платформа и сите кои ги исполнуваат насоките ќе можат да учествуваат“, вели Facebook.
Announcing the Internet.org Platform from Facebook on Vimeo.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
