Од јули оваа година сите мобилни оператори во Европската Унија ќе мора да ги намалат цените на роаминг услугите. Според тоа што е одобрено од Парламентот корисниците ќе плаќаат максимално 29 евро центи (17,8 денари) за повик, односно 70 евро центи (43 денари) за мегабајт.
„На корисниците веќе им е смачено да плаќаат илјадници евра за роаминг услуга.“, вели евро-комесарката Нели Крус.
Оваа одлука на Европскиот парламент беше очекувана бидејќи е дел од европската Дигитална Агенда која за крајна цел ги има модернизирање на општеството и овозможување на брз и ефтин интернет пристап за секого. Намалувањето на роамингот цените со тешко срце беше прифатено од европските оператори, бидејќи роамингот е една од најпрофитните услуги.
EU to cut cost of mobile #roaming: inc caps for data. + Competition will guarantee low prices for long term. ow.ly/9VCvq
— Neelie Kroes (@NeelieKroesEU) March 28, 2012
Од јули 2014-та европските корисници ќе можат да избираат и различни оператори кога се во странство. Овие новини ќе им овозможат на европјаните слободно да користат интернет услуги ширум Европа, без да се ограничуваат на својата држава со што ќе ја забрзаат дигиталната економија и разбојот на нови веб сервиси.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
