Секој треба да има право и можност да користи компјутер и да се поврзе на Интернет. Затоа фондацијата Е-Македонија на Tелеком, во партнерство со граѓанската организација Отворете ги прозорците, стартуваа проект „Компјутер – прозорец кон светот“ со кој се донираше компјутерска опрема од околу 14.000 евра за лицата со попреченост. За овие корисници, стандардните тастатури и глувчиња се само уште една пречка за да можат слободно да ја користата технологијата која ги поврзува со сите други.
Опремата е наменета за Отворете ги прозорците, но и за уште две други организации – Ластовица од Скопје и Здружението на лица со церебрална парализа од Велес. По добиената обука, и овие организации ќе можат да им помогнат на лицата со попреченост да ги користат компјутерите за сопствениот личен развој.
„Современата технологија може секому да му го олесни и поедностави животот, да овозможи секој да го даде својот придонес во заедницата. Многу не радува дека ова убедување го споделуваме со Фондацијата е-Македонија. Поддршката ќе ја искористиме за да им помогнеме на лицата со попреченост да го развијат сиот свој потенцијал користејќи современа компјутерска опрема“, изјави Владимир Лазовски од Отворете ги прозорците.
Дали може да се најде софтверот на кој работи детето и каде?