Chrome Web Store се прошири во уште шест нови држави – Турција, Украина, Египет, Саудиска Арабија, Мароко и Обединетите Арапски Емирати и со тоа станаа вкупно 42 држави во кои функционира Chrome Web Store.
Покрај тоа, на Google Web Store е отворена и посебна категорија во која може да се видат сите апликации кои работат офлајн. Развивачите доколку сакаат да ја пријават својата апликација во категоријата „Offline Apps“ ќе биде потребно да додадат „offline_enabled“ знаменце во мета податоците.
Исто така, за развивачите е додадена нова алатка за анализа која им нуди преглед на импресиите и инсталациите за повеќе од 90 денови. Исто така, тие информации развивачот, освен да ги гледа на интернет, ќе може да ги преземе во CSV формат.
Ова се само неколку мали надградби од страна на Google, додека нешто поголемо очекуваме да се претстави за време на Google I/O конференцијата која треба да се одржи од 27 до 29 јуни.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
