Microsoft најави дека ќе вметнат реклами во Skype за Windows. Станува збор за реклами кои ќе се отвораат во апликацијата за време на гласовните разговори. Microsoft и oгласувачите планираат да допрат до 250 милиони корисници на Skype со рекламите. А во иднина Microsoft се надеваат дека ќе го зголемат бројот на корисници на 1 милијарда.
Содржината на рекламите ќе биде одредена според локацијата, полот и возраста. На почеток рекламите ќе им бидат презентирани единствено на корисниците кои не плаќаат претплата. Рекламите немат да можат да бидат поголеми од 300 х 250 пиксели и помали од 40Кb. Подржани формати за реклами се Flash, GIF и JPEG. Големината на рекламата ќе биде фиксна а текстот ќе биде лимитиран на 65 карактери. Ќе бидат дозволени анимирани слики (Flash или GIF) но не и видео или аудио.
Според Skype, конверзациски реклами, како што ги нарекуваат, ќе треба да им понудат на корисниците повеќе теми за разговор.
„Додека се на 1:1 аудио повик, корисниците ќе видат содржина која ќе стартува дополнителна тема за разговор што е релевантна за Skype корисниците и ќе го истакне уникатното и локалното искуство со брендот.“
Иако Microsoft се обидоа да објаснат дека рекламите ќе потикнат ралични теми на разговор, корисниците не се задоволни од потегот.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
