Фонд предводен од Google, француската влада, француските медиуми, како и краудсорсинг кампања, успеја да соберат над 1,5 милиони долари кои ќе ги донираат на францускиот сатиричен магазин Charlie Hebdo. Mагазинот изгуби 12 новинари во еден од најстрашните терористички напади во земјата.
Парите се собрани како поддршка за слободата на говор и новинарстовото, и ќе бидат искористени да се спаси магазинот, кој пак најави дека ќе објави еден милион копии следната недела. Charlie Hebdo обично издава околу 60.000 копии, но овојпат ќе има помош од другите. Како што пишува Guardian, разни медиумски организации и публикации бесплатно ќе го дистрибуираат следното издание како поддршка.
The little weapon! #CharlieHebdo #cartoon pic.twitter.com/VFFZD2f8Rz
— Satish Acharya (@satishacharya) January 7, 2015
Преживеаните новинари на Charlie Hebdo велат дека се исплашени, и дека им е тешко да се вратат на местото каде двајца вооружени терористи во средата на 7-ми јануари убија 12 писатели и илустратори на магазинот познат по своите контроверзни сатири. Но, сатирата има право да биде контроверзна и смешна, за да ни претстави поинаква критика на општеството, дури и ако има сурови последици.
„Тешко е, сите ние страдаме, со тага, со страв, но ќе направиме се што е потребно бидејќи глупавоста нема да победи“, вели еден од писателите на магазинот.
Charlie Hebdo. Nooit opzij. pic.twitter.com/MJwGKPQ8jU
— Joep Bertrams (@joepbertrams) January 7, 2015
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
