Intel претстави мини PC на стапче кој доаѓа сo Atom Z3735F Bay Trail четири јадрен процесор, а следните генерации на стикот ќе доаѓаат со новите Broadwell Core M јадра. Вообичаено овие стикови овозможуваат пренос на мултимедиумски содржини или телевизија, но Compute Stick наместо ова го претвора телевизорот во таблет компјутер.
Има две верзии во моментов – едната Windows, а другата Linux. Заеднички за двете верзии е процесорот, а останатиот хардвер зависи од моделот. Windows верзијата на стикот доаѓа со 2GB RAM и 32GB слободен простор за 149 долари. Linux верзијата доаѓа со 1GB RAM и 8GB слободен простор, но и чини само 89 долари, а и оперативниот систем е значително помал. За сите на кои им е потребен повеќе простор на мини комјутерот има microSD слот со кој можат да го прошират. Покрај ова стикот доаѓа со USB, Bluetooth 4.0 и Wi-Fi. Compute Stick ќе биде достапен за неколку месеци, кога и ќе започне со испораките, вели ZDNet.
[youtube]cN17NRgupPg[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
