Native Teams 
Native Teams е глобална Fintech платформа за плаќање и регулирање на статусот на вработување. Платформата им овозможува на фриленсерите да платат придонеси, без разлика за која или кои компании работат и каде се лоцирани. Услугата им дава пристап на корисниците до здравствена заштита, плаќање на пензиски пензиски придонеси, и основна даночна усогласеност во државите во кои работат.
Стартапот е основан од британецот Џек Тхорогод и битолчаните Александра Митревска и Никола Бубевски.
Неодамна Native Teams ја објавија својата соработка со Payoneer. Со оглед на тоа дека ова е еден од омилените начини на исплата на фриленсерите, партнерството не е изненадување.
Соработката со Payoneer ќе значи и нови услуги за актуелните и идни клиенти на стартапот.
Корисниците ќе можат да ги поврзат своите сметки на Payoneer со Native Teams и оттука директно да префрлаат средства за плати и да платат претплата за „Employer of Record“ (EOR).
„Да, од сега како резултат на нашата соработка, корисниците на Payoneer ќе имаат пристап до лесно и брзо префрлување на нивните средства, вршење на уплати и користeње на своите средства за различни цели, вклучувајќи исплата на плати и различни трансакции преку нашата платформа.
Со оваа соработка, процесите на префлање на средства и уплата стануваат уште побрзи и полесни, обезбедувајќи им на корисниците поголема флексибилност и контрола над нивните финансии.“, вели Александра Митревска.
Придобивките од соработката помеѓу Native Teams и Payoneer веднаш ги забележале и двете страни. За официјализирање на партнерството беше потребно детално да се разгледаат техничките, но и финансиските аспекти, открива Митревска.
„Процесот на соработка со Payoneer беше долг, но успешен. Започнавме со идејата за подобрување на финансиските можности на нашите корисници, истражувајќи можност за соработка со релевантни партнери. Payoneer се појави како идеален избор, имајќи ги предвид нивната репутација, искуство и широката глобална присутност. И двете страни бевме посветени на целта да креирааме вредност и бенефити за корисниците. Процесот вклучуваше детални разговори околу техничките и финансиските аспекти, како и договарање на услови и процедури за успешна имплементација“.
Во 2023 година Native Teams дојде до инвестиција од 2 милиони евра од бугарскиот акцелератор Eleven Ventures. Тимот на Native Teams последната година работи на развој и подобрување на функционалностите, а и на изработка на мобилни апликации.
„Во текот на последните 10 месеци, се посветивме на секојдневно развивање и унапредување на нашите услуги со цел подобрување на функционалности за нашите корисници. Исто така, во моментов сме во фаза на активно развивање на Native Teams мобилни апликации, како и истражување и интеграција на нови и интересни функционалности кои ќе го збогатат корисничкото искуство.“
Со партнерството со Payoneer не завршува работата и напорите за нови партнерства. Покрај следните чекори од соработката со Payoneer, Native Teams најави и нови функционалности, но и нови соработки за во иднина.
,,Следните чекори за Native Teams се исполнети со многу нови соработки, активна работа на новиот wallet и истовремено работиме на повеќе аспекти поврзани со оптимизација на даноците. Во контекст останатите планови, се очекуваат и следни чекори со Payoneer. Во моментов сме во процес на развој и координација на следните фази на нашата соработка со нив, со цел обезбедување на уште подобри услуги и искуства за нашите корисници.”
Дознај повеќе на nativeteams.com
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
