Две од најголемите светски технолошки компании ByteDance и Meta поднесоа приговори на одлуката на Европската Унија со која дел од нивните сервиси се означени како „gatekeeper“. Европската Унија преку Digital Markets Act (DMA) со оваа ознака се обидува да ги спречи големите компании да наметнат нефер услови за конкурентите и корисниците.
ByteDance всушност има само една услуга на листата – друштвената мрежа за споделување на видеа TikTok. Facebook има повеќе сервиси на листата Messenger, Facebook Marketplace, Facebook, Instagram и WhatsApp, но за последните три не поднесоа жалба.
Двете компании сметаат дека сервисите за кои поднесоа приговори не ги исполнуваат условите за „gatekeeper“. Одбрана за TikTok е дека компанијата не може да биде „gatekeeper“ кога се единствен конкурент на значително поголеми платформи кои имаат огромен дел од пазарот. Сметаат дека се кратко време на пазарот во Европа за да може да бидат во поповолна положба од дел од конкурентите. TikTok смета дека за нивната категоризација не е направена доволна анализа на пазарот. Дополнително, ByteDance вели дека се единствена компанија на листата која не ги исполнува финансиските услови за да бидат „gatekeeper“.
„Во целост ги поддржуваме принципите на DMA, чија цел е да им овозможи на предизвикувачите да се натпреваруваат со актуелните играчи. Нашата жалба е заснована на верувањето дека со нашата ознака (за gatekeeper) се ризикува да се поткопа наведена цел на DMA со заштита на вистинските gatekeeper-и од понови конкуренти како TikTok. Далеку од тоа да биде gatekeeper, нашата платформа, која работи во Европа нешто повеќе од пет години , е веројатно најспособниот предизвикувач на повеќе вкоренети платформи“, се вели на блогот на TikTok
Причината поради која Meta смета дека Messenger и Marketplace не треба да се дел од сервиси кои се строго надгледувани е што двете се само функционалности на Facebook. Meta дополнително објасни дека приговорот е поднесен за да и биде појасно зошто Messenger и Marketplace имаат статус на „gatekeeper“.
„Оваа жалба бара појаснување за конкретни законски точки во врска со додавањето на Messenger и Marketplace под DMA. Ова не ја менува и не ја намалува нашата цврста посветеност да се придржуваме до DMA и ќе продолжиме да работиме конструктивно со Европската комисија за да се подготвиме за усогласување “, вели портпаролот на Meta за Ројтерс.
На 16 ноември беше последната дата до која можеа да се поднесуваат жалби на одлуките на Европската Унија. По ова, компаниите кои се означетни како „gatekeeper“ ќе треба да започнат да ги исполнуваат своите одговорности според DMA.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
