Interloper е интерсна македонска iOS видеоигра изработена од Кирил Кироски. Како што ви кажува името „Натрапник“, играчот треба во играњето да го пронајде натрапникот, за што е можно покус период. Кирил објаснува дека играта не само што ќе ви го тестира видот и можноста за брзо забележување на разликите, туку ја тестира и концентрацијата. На првите нивоа разликите се големи и бројот на понудени „натрапници“ е мал, но како напредувате бројот на слики кои треба да ги разгледате расте, а и разликите стануваат се потешки за воочување.
Играта е навистина едноставна, но ова секако не значи дека ќе ви помогне со продуктивноста, напротив. Играта може да биде заразна и наместо 5-10 минути да си поиграте неколку часови. Графиката не е спектакуларна, но потполно е во функција на естетиката на играта, што многу често е тешко да се изведе. Доколку имате слободно време Interloper ве предизвикува да ја тестирате својата можност за забележување на разликите.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
