WeTalkIT 
Adobe го купи Magento за 1.68 милијарди долари. Договорот ќе и помогне на компанијата да интегрира онлајн трговија во нивниот “Experience cloud” систем.
Magento е онлајн платформа за трговија која функционира со систем кој што располага со предвидлива интелигенција која ќе помогне на Adobe да интегрира систем за онлајн трговија во нивниот Experience Cloud за да овозможи B2B (бизнис до бизнис) и B2C (бизнис до потрошувач) шопинг опции, вклучувајќи индустрии како малопродажба во јавниот сектор.
Исто така, Magento располага со партнери кои што овозможуваат илјадници екстензии вклучувајќи екстензии за плаќање, испорака, такси и логистика, работи кои што Adobe тврди дека можат да ги забрзаат бизнисите и ги подобрат нивните можности за трговија.
„Онлајн трговијата е составен дел на онлајн интеракцијата со клиенти, очекувајте секоја интеракција да може да биде купена.“ – изјави претседателот на Adobe, Shantanu Narayen.
Извршниот директор на Magento, Марк Лавел ќе продолжи да го води тимот како дел од Adobe’s Digital experience бизнис планот.
Дел од клиентите на Magento се: Canon, Helly Hansen, Paul Smith и Rosetta Stone. Џон Марфи, извршен претседател и главен финансиски директор во Adobe, изјави дека Magento платформата имала приход од 150 милиони долари во 2017 година.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
