Нова победа за гласовниот асистент на Amazon со кој може да се управува паметниот дом. Лаптопите на Acer ќе пристигаат со преинсталирана Alexa. Првите модели кои ќе доаѓаат со Alexa се Spin 3 и Spin 5.
Ова е мала победа на Amazon кој ќе се обиде да го управува паметниот дом од сите уреди од кои може да се направи ова. Секако компанијата преферира ова да биде Amazon Echo, но секој уред се брои. Amazon има договори и со ASUS, HP и Lenovo за интегрирање на Alexa, во нивните компјутери, јави Thurrott.
Од Acer велат дека Alexa ќе може да се користи за гласовни команди. Пример за вклучување на музика, одговор на прашања и куп слични ситници.
Ова е интересен развој, генерално бидејќи и Microsoft со Cortana можеби ќе има интерес за истиот пазар. Cortana на Microsoft веќе е присутна на Windows 10, но корисниците не ја користат. Дали Microsoft од своето искуство можеби веќе смета дека засега нема интерес е непознато. Секако времето ќе покаже колкав ќе биде интересот за гласовните можности на Alexa.
Дали во иднина би можело да има некаков конфликт ќе биде интересно да видиме.
