Додека Windows Phone има проблеми со продажбата во етаблираните економии, пазарите во развој подобро одговараат на поефтините модели на Lumia 6xx од прескапите iPhone-и. Затоа и не е изненадување што во некои земји Windows телефоните се продаваат подобро од iPhone. Според Microsoft, нивната платформа е попопуларна од уредите на Apple во Аргентина, Индија, Русија, Јужна Африка, Украина, Полска, Хрватска и повеќе помали држави во централна и источна Европа. Сепак голема е веројатноста дека тоа се пазари со кои владее Android.
Покрај ова, седумте споменати пазари отсекогаш биле бастиони на Nokia и финската компанија добро поминувала на нив, потсетува New York Times повикувајќи се на податоци на аналитичарите IDC. На три од овие пазари Microsoft и Nokia испорачале помалку од 100.000 телефони во последниот квартал на 2012 godina, но на останатите четири продажбата е над оваа бројка. Државите во кои продажбата на Windows Phone e над 100.000 се Аргентина, Индија, Русија и Полска.
За Microsoft и Nokia придобивањето на симпатизери во неколку пазари кои ќе бидат клучни во иднина, е чекор во вистинска насока. Иако тешко е веројатно дека Windows Phone ќе доживее да биде статусен симбол, нешто што Apple успеа да го наметне за iPhone, пред се во Северна Америка и во поголем дел од развиените европски држави.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
