Што имаат заедничко The Witcher, The Elder Scrolls и Runescape? Ако помисливте на spin-off игра со карти, тогаш не би можеле да сте повеќе во право! Охрабрени од неверојатно-профитабилниот успех на Blizzard-овата Heartstone, Respawn Entertainment реши да заплива во таквите води и со нивното чедо – Titanfall.
Titanfall: Frontline е првата игра за паметни телефони која произлегува од тричленото партнерство помеѓу Nexon, Particle City и Respawn Entertainment. Играта ќе се појави за Android и iOS на есен, во бесплатна форма, но, како што е редот, со бројни микро трансакции под хаубата.
„Одликувајќи се со стотици пилоти, титани и специјални карти за еднократна употреба, командирите ќе треба да собираат и да ги надградуваат нивните единици за да направат уникатен шпил.“, објаснуваат од студиото и додаваат: „Играчите ќе можат да го градат нивниот тим според нивниот стил на играње, односно поставување пилоти и титани за нанесување брзи оштетувања или пак исцрпување на непријателите преку поставување јаки одбранбени единици, инсталации и персонал за поддршка“.
Со што ќе се изделува Titanfall: Frontline од морето слични игри? Покрај уникатниот Titanfall универзум, пресметките во играта ќе се одвиваат во реално време, а не turn-based, како што е случајот со Hearthstone или Gwent.
Доколку ова што го прочитате ви делува како нешто за што би можеле да бидете заинтересирани, дефинитивно посетете го официјалниот сајт и пре-регистрирајте се за да добиете додатни награди во моментот кога играта ќе излезе.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
