Засега Еxcubitor ќе остане PC игра, вели Иван Ивановски од Tesseract Interactive кои од Софија, каде беа поради соработката со акселераторот LAUNCHub, сега се префрлија да работат во Скопје за да ги намалат трошоците. Видеоиграта ќе се дистрибиура преку Steam, но не се знае дали ќе ја објават самостојна, или под издавач. Веќе имаат неколку понуди за издавање, а имаат и понуда да имплементираат поддршка за виртуелната реалност на Oculus Rift.

„Сакаме да одиме на Steam Greenlight и да ја продаваме играта за ран пристап. Можеби ќе одиме и на Desura во алфа програмата за дистрибуција. Размислуваме и за Kickstarer и Indiegogo кампањи за краудфандинг на играта“, вели Иван.

Ако се покаже како успешна на PC, играта ќе биде префрлена и на мобилните платформи, што, според нас е пологично решение бидејќи играта функционира беспрекорно на постар компјутер, и има гејмплеј кој може да се игра на мобилен телефон или таблет компјутер. Но, Иван објаснува дека треба многу работа за да се префрли играта бидејќи ќе треба да се направат од поново сите модели и да се оптимизира играта и гејмплејот за екраните на допир.

[youtube]X0nZpu4CnK8[/youtube]