Google стартува систем за препораки и откривање на локални места. Hotpot е дел од Google Places, a служи корисникот, и неговите пријатели, да можат да ги оценат и да искоментираат за локалните места кои ги посетиле.
Google го претстави Place Search, oдносно пребарување кое ги организира информациите преку локации. Пример, ако пребарувате хотели во Скопје, Places ќе ви прикаже листа од локални хотели со локација заедно со дополнителни информации (како телефон, адреса, сајт, други детали...), наместо да ви ги прикажува вообичаените резултати со дел од локацијата и линкови до сајтови.
Студент од MIT, Џо МкМајкл, инспириран од случајноста на ChatRoulette, го направи Globe Genie, сервис кој ве шета на random места ширум планетава со слики од Google Street View.
По Google и YouTube инстант сега се направи и инстант Google мапи и инстант Google Images, односно добивање локација во реално време додека куцате. Ова не е проект на Google, туку како и YouTube Instant, на индивидуален, вешт корисник.
BBC стартува прототип проект Dimensions со кој, користејќи ја мапата, ja споредува големината на светски настан со вашиот дом и соседство. Dimensions ги преклопува двете мапи со што им дава локален контекст на настаните. Пример, ве интересира колкава површина опфатија поплавите во Пакистан споредена со површината на Македонија, или пак колкав дел од Скопје ќе заземе познатиот музички фестивал Гластонбери. (сликата горе)
Foursquare е доста популарна друштвена мрежа за локација (популарна и во Македонија), но е мала, скоро непозната друштвена мрежа со околу 2-3 милиони корисници. Затоа со стартувањето на новиот Facebook Places сервис се очекуваше Foursquare да биде згазен од гигантот кој има над 500 милиони корисници.
Друштвените мрежи постојано, секоја година се променуваат, некои ги снемува, други стартуваат нови опции, трети стануваат огромни и влијателни... За тоа како изгледа пејсажот на друштвените медиуми FlowTown објави измислена, но интересна географска мапа на мрежите и сервисите во 2010 година.
Google ги стартува визуелни мобилни реклами со локација за Android и iPhone. Доколку кликнете на рекламите се отвора мапа која покажува каде се наоѓа бизнисот и на мапата има два избора: дирекции до бизнисот или повик кон бизнисот. Google ќе наплаќа само доколку некој кликне за дирекции или се јави кон бизнисот.
Започна како идеја за едноставна игра, а во моментот е убава 3Д мапа со дожд и дрвја, мапа по која треба да се движи мало топчесто човече. Барем тоа е идејата на Nikihack, mendi19 и останатите членови на форумот кои последнава недела дена планираат нешто интересно.
Directorium.mk е веб сервис кој користејќи ги Google Maps ги лоцира разновидните бизниси ширум Македонија. Корисно во овој сервис е што користејќи ги мапите им помага на корисниците и ги насочува кон бизнисите. Наместо да талкаат низ градовите барајќи одредена адреса, потрошувачот користејќи го овој сервис ги пребарува бизнисите ширум земјата и го наоѓа во точната локација.
Користејќи ја статистиката од Alexa и Google Trends, италијанскиот блогер Виченцо Косенза состави светска мапа на друштвените мрежи. Мапата ја покажува доминација на Facebook кој со 350 милиони корисници, околу 400.000 македонски корисници, е најпопуларната друштвена мрежа во 127 земји.
