All Things Digital објави дека, според извори запознаени со ситуацијата, Twitter води одвоени разговори со Google и Microsoft за можна соработка за „копање на податоци“. Ова ќе овозможи на Google, односно Bing да добијат лиценца и да го интегрираат Тwitter фидот на вестите во реално време во своите пребарувачи.
Нова Македонија објави текст во кој го искритикува она што македонската интернет заедница го бараше подолго време - можноста за преведување од и на македонскиот јазик преку Google Translate. Објаснувајќи ги преводите како "изгубени и во просторот и во времето" се чини дека авторот на текстот не го разбира концептот на кој работи овој преведувачки сервис кој на многу македонски интернет корисници може да им го олесни животот и да им овозможи полесен пристап до информации.
Го дочекавме и тоа... најпопуларниот сервис за преведување на Google, отсега го разбира и македонскиот јазик. Сеуште нема официјална информација на блогот на Google, но во текот на денот сигурно ќе биде објавена. Ова е одлична вест, сега н многу лесен начин ќе може да преведувате од над 40 јазици директно на македонски, па дури и цели сајтови.
Google трета година по ред е највредниот бренд во светот, вели Millward Brown, компанија која се бави со бренд и маркетинг истражувања. Најновото нивно истражување покажува дека Google брендот вреди над 100 милијарди долари, што ги прави првиот бренд што ја достигнал таа бројка.
Со својот нов пребарувач Bing, претходно познат како Kumu, Microsoft се вмеша во борбата на пребарувачите. Сега Google навистина има добра конкуренција и редно време беше. За една недела се објавија два пребарувачи носат нешто ново во пребарувањетo. Yahoo веќе не е конкурентен, но Wolfram|Alpha и Bing носат нови не-Google избори и начини на пребарување. Од друга страна ова ќе го предизвика Google и тие да размислуваат поинаку и да најдат нови идеи за својот пребарувачот. Во секој случај секоја конкуренција е добра, бидејќи на крај корисникот ќе го добие најдоброто.
Замислете пребарувач како Google, но кој наместо да ви ги достави резултатите на неколку различни страни со линкови кои можеби го содржат она што го барате, ќе ја прескокне таа процедура и директно ќе ви одговори на вашето прашање... Стефен Волфрам, креаторот на софтверот Mathematica и основач и директор на компанијата Wolfram Research, заедно со околу 100 вработени се обидува да создаде нов вид на пребарувач кој ќе одговара на прашања во кои се бараат факти.
