Стартува 2win, македонска онлајн обложувалница

Лотарија на Македонија и Casinos Austria конечно ја издадоа дигиталната платформа за обложување и игри на среќа. Најавата за заедничка платформа е од минатата година кога со законско решение беше забрането обложување на платформи надвор од Македонија.

Но, сега стартуваат македонските обложувалници. Прва на која наидовме е 2Win.mk која е достапна буквално од последните денови на 2014 година. На сајтот покрај слот машини, покер, рулет и слични игри, корисниците можат да се обложуваат и на спортски натпревари: фудбал, кошарка, тенис, хокеј и американски фудбал. 2win функционира исто како и останатите онлајн обложувалници, си одбирате тип, вложувате пари и се надевате дека ќе добиете. Во моментов нема можност да внесете пари на сметка, ниту да бидете исплатени, но тоа очекуваме да се смени наскоро бидејќи обложувалницата е сепак нова. Пред да почнете да играте, можеби е најдобро да ги прочитате правилата.

Доколку не сакате да ризикувате, но сепак игрите на среќа ви се допаѓаат 2Win овозможува и играње за забава без никаков влог. Тука забележавме мал проблем, бидејќи иако сајтот не е наменет за играчи помлади од 18 години, при играњето за забава немаше никакво известување ниту забрана за ова. Дополнително сајтот како и останатите слични решенија не овозможува ефикасно отстранување на играчите помлади од 18 години доколку со дозовола од родителите имаат пристап до кредитна/дебитна картичка.

Сајтот повремено е бавен, а игрите можеби се премногу шарени, но објективно сајтот и не е наменет за корисници како мене, кои не планираат ниту да стапнат во казино, ниту пак да играат дел од игрите на среќа. За тие што ќе играат, ви посакуваме успех.