Олимпискиот комитет ги охрабри спортистите да го споделат искуството со „друштвените мрежи и блоговите, постовите и твитовите“ на Олимпијадата во Лондон која ќе се одржи во 2012 година. Преку друштвените мрежи љубителите на спортот ќе можат да искомуницираат со спортистите на кои им е забрането да споделуваат реклами и комерцијални пораки.
„Учесниците и други акредитирани личности можат да постираат фотографии од Олимписките игри за лични употреба. Не е дозволено да се комерцијализираат, продаваат или дистрибуираат овие фотографии.“, се вели во правилата на Олимпискиот комитет.
Но, иако фотографии се дозволени, видеото и аудиото, снимени внатре во официјалните олимписки објекти не смеат да бидат споделени. Може да бидат снимани за лична употреба, но не и да се закачат во блог пост, статус или твит.
Друштвените мрежи се интересни бидејќи поставуваат директна комуникација меѓу спортистите и фановите, наместо спортистот да биде скриен зад официјални прес конференции. Директната комуникација можеби не подразбира планови за натпревар/настан и слични тактички прашања, туку уникатното искуство на спортистот, неговиот приватен живот и комуникација со фановите. Пример за правилно користење на друштвените мрежи за комуникација со фановите се Шекил О’Нил, Рио Фердинанд, Вејн Руни, Кристина Вожниачки…
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
