Добри вести за сите корисници на Snapchat од Македонија. Стартапот G6 Solutions изработи геофилтер стикери за Скопје кои сите корисници на Snaphat можат да ги додадат на сликите кои ги испраќаат. „Во G6 сакаме да придонесеме и да ги направиме луѓето посреќни, сакаме и предизвици, па одлучивме да направиме стикер за Скопје и да го пријавиме во Snapchat… Вчера вечер сите побудалевме од возбуда кога дознавме дека два од нашите дизајни се прифатени и Скопје сега има геофилтер на Snapchat“, објави стартапот на својот блог.
Геофилтер налепниците се додатоци кои корисниците можат да ги додадат на своите фотографии, но само доколку се наоѓаат на некоја од локациите за кои што се достапни. На новите стикери за Скопје корисниците можат да препознаат некои од старите обележја на градот како Камениот мост и скопската тврдина Кале, но и дел од новите обележја како Триумфалната порта и Воинот на коњ.
