Сите игри од Global Game Jam Macedonia

Годинешниот Global Game Jam се одржа на 321 локација во 63 држави. Вообичаено немаме среќа бакви настани да се одржуваат во Македонија, но овој пат, пред се поради пожртвуваноста и ентузијазмот на организаторите на првиот Game Jam во земјава, македонските креатори на видео игри се собраа на дводневно дружење, на две локации во Скопје и Битола.

Темата на првиот македонски Game Jam беше звукот на човечкото срце, а какви игри со оваа асоцијација креаира учесниците во Скопје и Битола можете да видите, но уште поважно да ги преземете и изиграте. Global Game Jam во Македонија е целосен успех и според бројот на учесници и според интересот кој го предизвика настанот. Игрите кои се избрани за најдобири се: Igкnight (на сликата подолу) и Odium во Скопје и Love Notebook во Битола.