На првиот настан имаше околу 50-тина гости, програмери, дизајнери, маркетинг специјалисти, и други кои се поврзани со стартапи, вели Ева Пиперeвска од G6, и еден од организаторите на Silicon Drinkabout Skopje.
Drinkabout е неделен настан кој има за цел да ги вмрежи стартапите, ИТ компаниите и инвеститорите. Првиот Drinkabaout беше стартуван во Лондон, а сега се одржува во 14 градови во 13 држави ширум светот, меѓу кои и Скопје. Веќе е закажан и вториот Silicon Drinkabaout Skopje кој ќе се оддржи во Стар Град Пивница со почеток во 19:00 часот.
„На Балканот Silicon Drinkabout се одржува само во два града, меѓу кои веќе е и Скопје. Идејата зад македонскиот настан е преку Silicon Drinkabout Skopje да ја поддржиме македонската стартап заедница, како и да им помогнеме на компаниите побрзо и полесно да се запознаат со млади ИТ специјалисти, стартап ентузијасти и специјалисти по дигитални технологии“.
Ваков собир може да се покаже корисен за македонската стартап сцена, која станува поактивна, но фали соработка. Често слушаме дека стартапите и инвеститорите не се познаваат меѓу себе, и дека е тешко да стапат во контакт, што во Македонија, како помала заедница, не би требало да претставува никаков проблем.
„Прво нешто што фали е поддржување на стартапите меѓусебно, второ активно учество на оние македонски стартап компании во реализацијата на сите активности кои се прават за заедницата, а не само определени индивидуалци, трето едукација на младите, а и повозрасните за тоа што е претприемништво, како тоа функционира во светот и како треба да функционира кај нас“, вели Ева. „Да се научат луѓето што значи да се има стартап култура, да не се сфаќа како уште едно место за брзо и лесно заработување на големи пари и да се помогне на луѓето кои навистина сакаат да постигат нешто самостојно“.
Затоа вклучете се во заедницата! Silicon Drinkabout Skopje е неделен настан на кој се повикани сите заинтересирани за нешто ново и интересно. Настанот е замислен како „afterwork настан“ и е замислен така да „ако не може да присуствувате некој петок, ќе може да дојдете на некој нареден“, вели Ева.
