Кога е Европската Унија во прашање, Македонија останува на статус-кво. Земјата оди чекор-по-чекор во исполнување на препораките за членство во Унијата, но, според извештајот од Комисијата за октомври 2012 до септември 2013 година , треба уште многу да се работи, од поправање на судството, спречување на корупцијата, раст на економијата и почитување на човековото право, до ослободување на медиумите, развивање на ИТ општество и спречување на сајбер-криминалот. Последните теми се најважни за нашиот интерес како медиум за технологија.
Key findings 2013 Progress Report on former Yugoslav Republic of #Macedonia http://t.co/vivK1V99Kz @StefanFuleEU @EU_enlargement #FYROM
— European Commission (@EU_Commission) October 16, 2013
Во извештајот за информатичкото општество и медиумите, кој може да се најде на 28-мата страна, се вели дека има напредок во оваа област со имплементирање на нови закони за електронска комуникација кои се според препораките на ЕУ. Се споменува дека Агенцијата за електронски комуникации има развиено систем за примање поплаки од корисниците за заштита на нивното право, но „загрижувачки“ е што АЕК троши пари на други работи наместо за развој на електронските комуникации.
Има напредок во претставување на интернет услуги, пример е-Влада услуги, кои треба да им помогнат на компаниите да ги користат онлајн каналите, а се спомнува дека се започнати и подготовките за либерализација на интернет домените, како и склопување на орган кој ќе се грижи за компјутерски инциденти, т.е. пробивања на системи. Е-трговијата сè уште е ограничена. Во делот за безбедноста на личните податоци, страна 46, се вели дека Дирекцијата за заштита на податоци имала двојно повеќе инспекции во 2012-та година, вкупно 299, додека имало 56 поплаки, наспроти 87 во 2011-та година.
„Различните медиуми, посебно интернет медиумите, не го почитуваат правото за приватност на индивидуалците.“
Повторно има забелешка дека е одложено претставувањето на бројот 112 кој се користи во цела Европа како единствен број за за итни повици. Комисијата вели дека на Министерството за информатичко општество и администрација му фали повеќе персонал. Пенетрацијата на фиксниот широко-појасен интернет во Македонија зафаќаа 14,4 отсто од популацијата, што е далеку зад Европскиот стандард од 28,2 отсто.
100% basic #broadband coverage achieved across Europe – achieved ahead of schedule.Next stop, fast broadband for all. http://t.co/lV121fF5Rz
— European Commission (@EU_Commission) October 17, 2013
Онлајн медиуми и блогови
Европската Комисија ги искритикува властите во селективното рекламирање во медиуми, за кое вели дека ги поддржува про-владините медиуми. Како што телевизиите и весниците се адаптират на дигиталната ера, ова станува сериозен проблем во развивање на онлајн медиумите. Иако на Веб блоговите, друштвените мрежи и форумите се додаваат на дебатите, сепак новиот Закон за медиуми им ја ограничува можноста на блоговите да станат и релевантни извори кои ќе заработуваат од својата содржина, бидејќи во тој случај државата законски ќе ги регулира како и медиумите.
Во извештајот се вели дека има „загриженост“ за независноста на Агенцијата за медиуми, која е предвидена со новиот закон, иако нејзината цел е да ја штити слободата на медиумите и плурализмот.
Сајбер-криминал
Комисијата го искоментира и сајбер-криминалот, велејќи дека Македонија уште во 2004-та и 2005-а ги има ратификувано протоколите за спречување на сајбер-криминалот и казнување на активностите кои вклучуваат споделување детска порнографија, развивање на вируси и злонамерен софтвер, сајбер измами и малтретирања, DDoS напади, фишинг и кражба на идентитет. Од 2010-та постои Единица за сајбер-криминал, во 2012-та година беше донесена одлука за стартување на CERT тим, а на почетокот на 2013-та година е воведена програма за заштита на децата од нелегалните активности на интернет. Македонија е напредната во борбата против сајбер и организираниот криминал и полициската соработка.
Заклучок
Според извештајот на Европската Комисија, Македонија е далеку зад европските земји. Ова не е нешто што не го знаевме, но е штета да се чита и повторува постојано. Има мали напредоци во сите области, но тие се основни чекори и не водат преспоро до целта – влегување во Европската Унија. Земете го за пример научното истражување кое стагнира на 0,20% од БДП. Секако, има напредок во воведување на легислативи, закони и разни програми, но тоа што фали е адаптација, почитување на тие закони и активност кон подобрување на работите.
Што се однесува до ИТ областите, Македонија не е „земја на информатичари“.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Сеа ќе видиш , одма на Гујо и Иво !
Зошто мислите дека некои бирократи во брисел се грижат за нашето добро?
Пред се ги интересира ниното добро и како да наметнат нивни политики врз наша штета. Така функционира еу.
NE SPINUVAJ SO INFORMACII !!
Te molam na javnosta da i kazes na koja strana procita deka noviot Zakon za mediumi im zabranuva na blogovite da pisuvaat ili komercijalno da rabotaat !!
Treba da znaes deka sekade vo svetot , sekoe lice ako na pazarot KOMERCIJALNO zarabotuva od reklami, za toa treba da plati danok .
Kako moze samo vesnicite i radiodifuzerite da placaat danok reklamite, a nekoj samo koj resil komercijalno da zarabotuva preku pisuvanje na tekstovi preku druga platforma (web) ne treba za toa da placa danok???
Dali po tebe treba vednas da umrat vesnicite i radiodifuzerite, odnosno treba da ostane samo web informiranjeto ??
Dali znaes deka vo zemji na EU, drzavite so zakon se obvrzani na pecatenite mediumi godisno da im davaat drzavna pomos za da opstanat na pazarot ???
Po mene pazarnite uslovi treba da bidat isti za site sto resile komercijalno da zarabotuvaat preku pisuvanje na vesti bez razlika na platformata za objavuvanje (novina, radio/tv ili web).
Slobodata na pisuvanje/izrazuvanje treba da bide ista za site podednakva, ne moze nekoi koi zarabotuvaat od pisuvanje na odredena platforma da bidat povlasteni od drugite, odnosno nekoi da se zastituvaat a drugite da propagjaat.
Никој не кажа дека блоговите не треба да плаќаат данок. Се согласувам со тебе.
Но, со правење пари Законот ги третира блоговите како медиуми, односно ќе бидат под окото на новата Агенција за која ЕУ вели дека е загрижена за нејзината независност. Не за џабе медиумите се бунат против законот. Еве линк со изјави од министерот – http://1337.mk/4k9. Granted, тој со „може да бидат“ не е дефинитивен во изјавата, иако шансите се големи тоа да е нивното решение на блоговите.
Никој не кажа дека печатените весници и радиодифузерите треба да престанат со работа, иако на печатените весници црно им се пишува. На телевизиите и радијата ќе им иде добро со веб видео и подкасти кои се слушаат и гледаат секаде преку секаков уред.
Ако ЕУ земјите фрлаат пари на печатени весници, тогаш грешат. Треба да фрлаат пари на развој на веб решенија, мобилни апликации и развој на веб изданија. Бројките одат против печатените весници. Всушнот не ти верувам во ова, бидејќи евро-комесарката за Дигитална агенда, Нели Крус, веќе со години зборува за како да се мотивираат стартапите да престават нови решенија.
„Slobodata na pisuvanje/izrazuvanje treba da bide ista za site podednakva, ne moze nekoi koi zarabotuvaat od pisuvanje na odredena platforma da bidat povlasteni od drugite, odnosno nekoi da se zastituvaat a drugite da propagjaat.“
Апсолутно си во право.