Samsung имаше одлична презентација на IFA 2014 во Берлин. Покрај очекуваните Note 4 и Note Edge, беше претставен и првниот уред за виртуелна реалност на јужнокорејскиот гигант. Gear VR е првиот обид на Samsung да се вмеша во борбата меѓу уредите за виртуелна реалност која е предводена од Facebook и Oculus Rift. Но, за разлика од Oculus Rift, кој од почеток е креиран и замислен да биде уред кој ќе ви ја донесе виртуелната реалност во домовите, Gear VR е замислен како додаток на Galaxy Note 4 и по тоа е поблизок до картонската направа од Google отколку до Oculus Rift.
Gear VR е партнерство со Oculus Rift, со тоа што софтверот е делот на стартапот, а хардверот е дело на Samsung. Уредот доаѓа со две леќи кои се фокусираат на екранот на Galaxy Note 4 и го овозможуваат 3Д искуството. „Кутијата“ доаѓа и со акцелерометар и жироскоп кој помагаат да се следи вртењето на главата, но без притоа да се следи поместувањето напред или назад. Со оглед на тоа дека уредот доаѓа со Note, екранот е 5,7-инчен 2.560х1.440 Super AMOLED. Покрај сликата од телефонот доаѓа и звукот и искористената технологија прави да изгледа дека звукот доаѓа од сите страни, пишува Engadget. Цената и датата на излегување се засега непознати, но Samsung најави дека Gear VR ќе биде достапен пред крајот на годината.
[youtube]VO6T4M4VMuk[/youtube]
Galaxy Note Edge е можеби најинтересниот телефон кој Samsung го претставил подолго време. Во најголем дел телефонот е Galaxy Note 4, со една разлика дисплејот на екранот се превиткува преку десниот раб на телефонот, со тоа креирајќи простор за дополнителна лента. На оваа лента се поставени шорткати, нотификации или команди на пример за камера или некоја друга апликација која е отворена, на која се достапни сите потребни информации при фотографирање. Еден од најголемите недостатоци е што телефонот ќе биде покорисен за деснаците. Како и Note 4 и Note 4 Edge може да биде преголем, а променетата форма прави телефонот да биде малку неудобен за користење, вели Engadget. Двата телефони се направени со алуминиумска заштита околу рабовите на телефонот.
[youtube]XnL9WZcPOv0[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
