DevHelper е бесплатен сет на алатки за девелопери изработен од Никола Ѓоргиев. Проектот го започнал во 2019 година како решение за личен, фрустрирачки проблем на проект. По пет години проектот е десктоп „команден центар“ за софтверски инженери кој во себе ги обединува сите оние ситните, секојдневни алатки (од REST клиенти и JSON форматизери, па сè до Mermaid дијаграми и wireframe креатори).
Покрај овие алатки, Никола неодамна објави сопствен оперативен систем SmileyOS. Претходно изработи куп YouTube туторијали за React ReactJS, HTML и CSS, JavaScript или Unity на неговиот јутуб канал Smiley Tech MKD, а има и повеќе упатства на македонски јазик. Секако не застанува на ова, неговиот најнов проект е апликацијата „Кј ќе се се јаде“ која наскоро ќе биде достапна на iOS и Android.
Велиш дека DevHelper стојат повеќе од 5 години труд, почнувајќи од 2019 како алатка за „еден личен проблем“. Дали може да раскажеш како започна сè ?
Целата приказна со DevHelper започна некаде 2019/2020, периодот кога работев во Loka. На проектот каде што работев, имавме некој проблем со македонските мобилни оператори и не добивавме пораки за 2fa, па моравме да повикуваме некој ендпоинти рачно, а тоа го правевме по 100-тици пати во ден. Тука ми се појави една идеја, зошто ова да не го направиме полесно, преку една апликациичка која ќе живее во menu-барот на MacOS, и ке имаме мени каде што ке може да ги викаме тие ендпоинти со еден клик, наместо да отвараме postman па кликај таму … Првата верзија беше искуцана во Swift, со чист ентузијазам и 0 познавања од swift без никаква помош од AI кога тогаш речиси и не постоеше, и го склопував некаде една или две недели. После тоа еден колега ми рече, пошто ова работи само на Mac, зошто не го направиш Chrome екстензија да може и на Windows и Linux да се користи, и после мало размислување сепак решив да одам со full desktop апликација напишана во ElectronJS, со кој исто имав 0 искуство, и таа официјална прва верзија која беше пишана во Electron, ја работев некои 6 месеци.
https://bitbucket.org/smileytech_mk/withutils/commits/branch/main
Апликацијата нуди навистина сè: од JSON форматeри и REST клиент, па сè до Mermaid дијаграми и wireframe алатки. Каков е технолошкиот стек зад апликацијата?
Целата апликација е напишана во JavaScript/Typescrip со ElectronJs. Дел од неа, MermaidJS едиторот го извадив и како standalone пликација со Tauri, и таа може да ја најдете на Microsoft/Mac App Store, бесплатно како и се друго под името Chartly. Инаку замислата е целиот проект да стане како Vibe Coding companion, каде што ке имате можност преку една апликација визуелно да го нацртате/испланирате BE, заедно со FE, и со еден клик да ви се изгенерира цел проект, и тука да имате и некој мини код едитор, но тоа е план за v3, ако проектот почне да расте, и најверојатно целиот ќе се препише во Tauri и Rust.
Како ја замислуваш најавената АИ интеграци и дали корисниците во иднина ќе можат да користат свои AI клучови (API keys) внатре во алатките?
Првичната идеја ми беше токму тоа, луѓе да користат нивни клучеви и јас да имам 0 expenses во тој дел. Но ме уплаши моментот дека луѓето ке мислат дека апликацијата е за да им ги крадам клучевите, и се откажав од тоа, и сега само во тој дел имам 100$ трошоци за одржување на сегашните корисници, и затоа тој shared pool се дели на сите поддеднакво, а секој што донира преку buymeacoffe во маил ке добие ваучер со плус токени во 70-80$ од донираната вредност, а останатите одат во тој shared pool.
DevHelper е и ќе остане целосно бесплатна алатка без реклами. Како планираш да ја балансираш финансиската одржливост, особено сега кога најавуваш интеграција на AI функции кои сами по себе доаѓаат со API трошоци?
Мене за се во животот ме движи желбата да направам нешто општокорисно што ете ке остане после мене, без разлика колку тоа ке ме кошта. Па така сите проекти кој ги работам настрана се настанати од потреба да решат реален проблем и сум решил да ги споделам со другите, но за жал луѓето се сепак скептични и не веруваат во мојата кауза. Инаку досега на вакви лични проекти сум потрошил околу 30.000 евра, со вкупна заработка од цели 6 долари, кога направив еден експеримент да видам ако го ставам DevHelper да се наплаќа по цена од 1.99$ дали некој ке го купи, и да за 3 месеци го купија тројца, и тоа е се што сум заработил од лични прокекти. Од youtube имам вкупно 0, а од пишување на медиум 12$. Инаку на официјалниот landing page, се излистани сите месечни трошоци за оддржување само на овој проект кои мислам се некој 200е месечно, без да го бројам мојот труд.
Во објавата велиш: „Ми требаат повеќе девелопери да ја видат, пробаат и да ми кажат дали вреди да продолжам.“ Каков профил на девелопери (frontend, backend, QA, систем администратори) моментално најмногу би имале корист од DevHelper и каков тип на feedback (bug reports, UI/UX сугестии, feature requests) ти е највреден во моментов?
Искрено проектот барем тој дел на кој сум навеќе горд, Shetchly Wireframe креаторот, тој најмногу лежи за луѓе кој работат како Бизнис Аналитичари и такви слични работи, бидејќи лесно може секое бизнис барање со неколку промпта да го претворите во интерактивен прототип, а со дополнителен клик и во готов код.
https://smileytech.mk/devhelper
Во најновиот update 2.1.5 во Sketchly апликацијата e додаден уште еден template за креирање на BE/API, така да ќе ги имаме покриено сите можни сценарија, правење FE, мобилна апликација или веб како и цел BE визуелно.
Каде македонските (и глобалните) девелопери можат да се приклучат за дискусија? Има ли активен Discord, GitHub репозиториум или заедница каде што се гради проектот „во јавност“ (build in public)?
За дискусија пробам активно да се промовирам на Reddit, потоа продолжив на платформи како ProductHunt, Uneed и слични, и тоа го правев една недела и од тогаш на дневна основа почнаа луѓе се повеќе и повеќе да го симнуваат, и најголемиот дел од корисниците се од US.
https://www.uneed.best/tool/devhelper
https://www.producthunt.com/products/smileytech-mk?launch=smileytech-mk
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
