Граѓаните на САД ќе можат да го користат Facebook за испраќање на документи за развод до сопружниците кои не можат да бидат пронајдени. Овојпат не станува збор за некоја нова функција која ја додаде друштвената мрежа, туку за судски преседан. Њујоркшкиот судија Метју Купер одлучи дека Еланора Баидо може да му ги испрати документите за развод на својот сопруг по Facebook, откако долг период не можеа да го пронајдат, јави New York Daily News.
Станува збор за навистина чудна ситуација, бидејќи Еланора Баидо и нејзиниот сопруг Виктор Сена Блад-Џаку комуницираат исклучиво по телефон, тој нема адреса, а досега и не живееле заедно. Одлуката на судот вели дека претставникот на Еланора Баидо во следните три недели, еднаш недело или до пристигање на потврда од г.Блад-Џаку, треба да испраќа покани до судот преку друштвената мрежи.
Ова сепак не е прв пат Facebook да се користи за испраќање на судски покани, иако овојпат за прва пат се користи апликација, oдносно Facebook Messenger.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
