Во Македонија има услови за креирање на видео игра, беше кажано од организаторите на Global Game Jam Македонија во неодамнешното интервју. Можеби е време и тие видео игри да бидат оценети во конкурс организиран од ПСМ Фондација, GDG Скопје, во соработка со Qua Vadis и Augmented Citizen.
Сите македонски развивачи на игри се поканети да аплицираат на конкурсот најдоцна до 23 јануари 2013-та година. Најдобрите три компании или тимови на Балканот ќе добијат влезници за наголемата конференција за развој на видео игри во Германија, Quo Vadis 2013, и менторство во вредност од 3.000 долари за подготовка и придружба во бизнис дискусиите водени од Мајкл Либ и Дан Ромеску.
Aпликациите за вашата најдобра игра креирана, во последниве 12 месеци, се праќаат на [email protected], и треба да содржат краток опис на играта на англиски јазик (не повеќе од 100 збора); URL од каде може да се симне играта; и профил или портфолио на компанијата или тимот со презентација на членовите.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
