На 14-ти септември во МКЦ, Скопје ќе се одржи првото издание на интернационалната IT конференција What The Stack. Темата е web development, а на четири сцени ќе се појават преку 20 предавачи, од кои 10 се интернационални.
Посетителите ќе имаат можност да слушнат предавања од звучни имиња од светската IT сцена, како што се Santosh Yadav, Sam Vloeberghs, Daniel Afonso, Atila Fassina и многу други. На конференцијата ќе и претходат и различни предавања, работилници и активности во времетраење од една недела.
Во склоп на овие активности, на 9-ти септември (понеделник) ќе се одржи неформална средба на сите IT заедници во Base42, каде ќе се одржуваат и другите настани до 13-ти септември. ДЕНОТ НА IT заедниците ќе биде целосно бесплатен и настан без регистрација. Ги покануваме сите IT ентузијасти да дојдат од 18 часот.
Конференцијата е организирана од три невладини IT здруженија: DeveD, Base42 и Angular Macedonia, а е поддржана од од повеќе IT организации, заедници и иницијативи. Со мотото од заедницата, за заедницата, организиран од програмери за програмери, по примерот на конференции како We Are Developers и JSNation, овој настан ќе го постави Скопје на значајно место на европската IT сцена.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
