Project Soli е неверојатен проект на Advanced Technology and Projects одделот на Google, кој со помош на радиобранови ја отчитува положбата и гестикулацијата која корисникот ја прави со рацете. Ова овозможува со гестикулации во воздух да се заменат различни контролери како компјутерското глувче, копчиња на часовникот и речиси се што можете да замислите.
Технологијата овозможува голема прецизност, а благодарение на мапирањето на сигналите од гестикулациите овозможено е интуитивно контролирање и управување со куп паметни алатки од компјутери до паметни часовници. Една од најголемите предности е што чипот кој го прави ова е минијатурен, па може и да биде употребен во најразновидна технологија. Доколку Google успешно ја имплементира оваа технологија ако ништо друго барем паметните часовници ќе бидат далеку поатрактивни, иако останатите слични контролери како Leap Motion или Kinect се далеку од прецизноста на Soli. Ако на ова ги додадеме Project Glass и проектот на компанијата Magic Leap, во која Google инвестира околу 500 милиони долари, без сомневање иднината на новиот кориснички интерфејс е „зад аголот“.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
