Вештачката интелигенција без сомневање може да биде супер корисна алатка. Четботови како ChatGPT или Bard може да се користат за едукација, подобра продуктивност, истражување, грижа за корисници, здравство и на куп други места. Сепак, се чини дека и натаму најважно е да не ги сфаќаме премногу сериозно.
Неодамна Futurism истражувајќи напис, откри куп грешки кои ги прави новото пребарување на Google кое користи вештачка интелигенција. Првично истрагата започна откако корисник на Blusky ги сподели резултатите од своето пребарување. Неговото прашањето баш и не е многу комплексно – „Држави во Африка кои почнуваат на буквата К“. Пребарувањето враќа неверојатни резултати…
“Иако има 54 држави во Африка, ниту една не започнува на буквата „К“. Најблиску е Кенија, која започнува со „К“, но всушност се спелува со „К“-звук. Секогаш е интересно да се научат интересни факти како овој.” – одговор на Google Bard.
Резултатот кој е највисоко на листата доаѓа од блог генериран со помош на вештачка интелигенција. Насловот на написот од кој Google ја „влече“ информацијата е „Дали знаете дека нема држава во Африка чие име започнува на буквата К“.
Ова на прв поглед делува дека е несреќен избор на резултат кој највисоко рангира на листата. Од друга страна на прашањето „На која буква почнува Кенија?“ пребарувачот дава точен одговор.
За жал ниту резултатите кои ги јавува Google пребарувачот поддржан со вештачка интелигенција не се подобри. Google SGE (Search Generative Experience) е следниот чекор во пребарувањето. Засега е достапен единствено за корисници во САД и единствено на англиски јазик. Одговорите се генерираат со помош на PaLM 2 моделот на Google.
Aко се радувате на следниот чекор во пребарувањето, немате баш причина за славје. Одговорите за жал не се многу подобри од сегашните. Или да го искористиме цитатот на Futurism:
„Пребарувањето со вештачка интелигенција – SGE на Google само го собира ѓубрето генерирано од ChatGPT и го парафразира за корисниците. Јасен знак дека помпезно најавуваната функција не знае како да филтрира информации кои се очигледно погрешни“.
И SGE на прашањето „Кои држави во Африка започнуваат на буквата К?“ го дава истиот одговор. Ама вештачката интелигенција е покреативна кога дава одговор на прашањето „држави во Северна Америка на буквата М“.
Држави во Северна Америка на буквата М
• Мексико: 758.249 квадратни милји• Сент Китс и Невис: Најмалата земја во Северна Америка
• Ел Салвадор: Најмалата земја на копното
• Гренланд: територија на Данска, но би била трета по големина земја на континентот
• Соединетите Американски Држави: 3.617.827 квадратни милји
• Област Колумбија: дел од Соединетите Американски Држави
Во одговорите не само што само Мексико е на буквата „М“ туку „Областа Колумбија“ воопшто и не е држава (а и не почнува на М).
Листата на држави во Европа по азбучен ред изгледа вака:
Неколку држави во Европа подредени по азбучен ред…
• Унгарија: членка на Шенген зоната од 2007 година• Франција: членка на ЕУ од 1958 година
• Белгија: Нација во Западна Европа позната по своите средновековни градови и ренесансната архитектура
• Албанија: членка на НАТО од 2009 година
• Русија: најголемата земја во Европа
• Ватикан: Најмалата земја во Европа, со површина од околу 0,44 квадратни километри
Дополнителните информации се интересни (ако се точни секако), но за да може информацијата да воопшто биде корисна, вештачката интелигенција мора да дава поточни информации. Ова не се однесува на смешните грешки, туку повеќе на оние кои се многу потешки за забележување и препознавање. Се сеќавате на грешката при презентацијата на Bard поради која паднаа акциите на Google? Истата грешка беше објавена и стоеше неколку дена пред да биде забележана.
Грешката на Bard поради која паднаа акциите на Google
Во презентацијата на Bard вештачката интелигенција едно од прашањата беше: „Кои се новите откритија на телескопот Џејмс Веб за кои можам да му раскажам на 9 годишно дете?“. Bard одговори дека „телескопот James Webb направил прва фотографија од планета надвор од нашиот сончев систем“.Одговорот е погрешен. Првата планета надвор од сончевиот систем е фотографирана од Chauvin во 2004-та година.
Овој податок го знаат значително помал број на луѓе. Ако немаше некој што знаеше да покаже дека станува збор за грешка, веројатно грешката ќе останеше незабележана.
Секако не сите резултати на прашањата беа погрешни, дел беа точни. Во други имаше помалку грешки отколку во објавените примери. Ако се прашувате „Каде отиде Кенија?“, Кенија е во државите од Африка на буквата „Б“, заедно со Бенин, Боцвана, Буркина Фасо и Бурунди…
Проблемот со давање погрешни одговори секако не е „ексклузивен“ за Google. Ниту OpenAI не треба да бидат посебно горди на ChatGPT. Еве ја листата држави во Северна Америка според ChatGPT:
Мексико
Соединетите Американски Држави (САД) – Некои луѓе може да го нарекуваат разговорно како „Америка“, но официјално име започнува со буквата „У“ (С на македонски).
Канада
Ова се трите земји лоцирани во Северна Америка кои започнуваат со буквата „М“.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
