Слика од британскиот математичар Алан Тјуринг, познат по неговите револуционерни откритија во компјутерската наука и криптографијата, неодамна беше продадена за речиси 1,1 милиони долари на дигитална аукција на Сотби. Ова не е обичен портрет, делото е изработенo од вештачката интелигенција Ај-Да (Ai-Da). Ова е хуманоиден робот кој во целост е управуван од вештачка интелигенција.
Ај-Да е направен да изгледа како жена со кратка коса. Со неа управува вештачка интелигенција и создава провокативни, „полуапстрактни“ слики. Името Ај-Да е во чест на Ада Ловлејс, математичарка и пионер во областа на компјутерите.
Проектот е идеја на Ајдан Мелер, поранешен галерист од Оксфорд. Тој составил тим од речиси 30 експерти за да го создаде роботот, кој сега ги поместува границите на уметноста, науката и технологијата. Откако е создадена, Ај-Да постојано се надградува технолошки, вклучително и нејзината „сликарска рака,“ која сега е веќе во третата верзија.
Инспирацијата за портретот
Портретот со наслов „Бог на вештачка интелигенција: Портрет на Алан Тјуринг“ го прикажува Тјуринг како „божество“ на вештачката интелигенција – симбол кој соодветно го претставува неговиот визионерски дух за потенцијалите на компјутерите.
Делото првично било наменето за конференција на Обединетите Нации посветена на вештачката интелигенција. Ај-Да го одбрала Тјуринг како своја „инспирација“, во чест на неговата визија за она што компјутерите може да станат.
Процесот на создавање на делото не бил едноставен и брз. Програмата на Ај-Да анализирала фотографија од Тјуринг и создаде 15 различни верзии на неговото лице, секоја фокусирана на различни аспекти од неговите карактеристики. Од овие, Ај-Да избра три дела како „финални“ и ги комбинираше со слика од машината Бомбе – уредот за криптоанализа кој Тјуринг го користел за да ги дешифрира воените кодови на Германија за време на Втората светска војна.
Надминување на очекувањата на надавањето
Првично проценета да се продаде помеѓу 120.000 и 180.000 долари, сликата привлече голем интерес со над 27 понуди, што ја зголеми цената на 1,1 милиони долари. Делото беше купено од анонимен купувач од САД, а приходите ќе се искористат за понатамошни подобрувања на технологијата на Ај-Да, осигурувајќи дека таа продолжува да се развива..
„Сите средства ќе ги инвестираме во проектот. Константно ја надградуваме. Ова е најзина трета рака за сликање.“, откри Ајдан Мелер за New York Times.
Нова ера за уметноста
Продажбата на Ај-Да не е прва за уметничко дело создадено од вештачка интелигенција. Сепак, барем засега е едно од најзначајните во однос на вредноста и културното влијание.
Во 2018 година, уметничко дело создадено од француски стартап со алгоритам беше продадено за 432.500 американски долари. Уметникот Рефик Анаџол продаде неколку „Машински Халуцинации“ – дела направени со вештачка интелигенција за милиони за време на NFT бумот во 2021. Работата на Ај-Да е поинаква. Како хуманоиден робот, има свој уникатен процес, замаглувајќи ја разликата меѓу човечките уметници и машинската логика. Нејзиното толкување на Тјуринг отвора поголема дискусија за развојната врска помеѓу технологијата и уметноста.
„Денес, доминантно е мислењето дека уметноста ја создаваат луѓето, за другите луѓе. Ова не било случај во минатото. Старите Грци чувствувале дека уметноста и креативноста потекнуваат од боговите. Инспирацијата беше божествена инспирација. Денес, доминантен начин на размислување е хуманизмот, каде уметноста е целосно човечка работа, која произлегува од човечката агенција. Сепак, сегашното размислување сугерира дека се оддалечуваме од хуманизмот, во време кога машините и алгоритмите влијаат на нашето однесување до точка каде што нашата „агенција“ не е само наша. Почнува да се надоврзува на одлуките и предлозите на алгоритмите, а целосната човечка автономија почнува да изгледа помалку стабилна.“, велат креаторите на Ај-Да.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Law Office Aleksov & Memishi 
