Оригиналноста е еден од предусловите за виралност. Но, Facebook истражувањето покажа дека македонските брендови не знаат како да продуцираат содржина. Еден лош податок е дека само 3 отсто од споделените постови се видеа, и тоа два отсто од нив се телевизиски реклами на операторите. Но, дури 8 од 10 вирални кампањи се видеа! Проблемот е што македонските брендовите го користат Facebook за досадна и еднолична промоција на своите продукти, иако – а ова е споменато мал милион пати – треба да остварат интеракција со корисниците преку оригинални кампањи. Оваа мантра за креирање на оригинална содржина се провлекуваше низ сите презентации на овогодинешната конференција за вирален маркетинг AllWeb 2014, на кој Никола го презентираше своето Facebook истражување.

Но, оригиналната содржина не е доволна. Виралната кампања треба да предизвикува емоции, најчесто позитивни затоа што се работи за бренд. Идејата зад виралноста, вели Никола, е дека брендот не станува вирален, туку приказната „која колку е почовечна, толку поголеми шанси има да биде вирална“. Но, истражувањето покажа дека од сите анализирани постови дури 40 отсто од нив не предизвикуваат емоции, туку се едноставно промотивни содржини. Само 2 отсто предизвикуваат силни емоции кај корисниците, или 13 отсто предизвикуваат значителни емоции. Знаејќи го ова решението е многу едноставно. Брендовите треба да им понудат на корисниците нешто покреативно, и да не се плашат да експериментираат.

[youtube]ZrtVJPcAbGM[/youtube]