Полето за пребарување во Firefox наскоро ќе доживее редизајн, јави Mozilla на својот блог. Ова ќе им овозможи на корисниците веднаш да си изберат пребарувач кој ќе им го даде посаканиот резултат, пример ако сакаат да најдат сајт можат да пробаат Google, ако сакаат информација можат да пребараат на Wikipedia.
Полето за пребарување доаѓа со редизајн. Поправени се сугестиите за пребарувањата и сега се поорганизирани, покрај ова додадени се и повеќе полиња под сугестиите кој ќе ви овозможат да пребарувате по сајтовите. Firefox ќе доаѓа со сет од преинсталирани пребарувачи, кои корисниците можат и да ги прилагодат на своите потреби. Но, корисниците едноставно ќе можат да додадат и други.
„Дали сте веб девелопер? Тогаш зошто да не ги додадете MDN и Stack Overflow во пребарувачите? Секојдневно пишувате? Додајте речник! Едноставно со клик на лупата во полето за пребарувње додека сте на сајтот и одберете го пребарувачот кој сакате да го додадете“, вели Mozilla.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
