Направете игра и освојте награди на MAGDA 1UP Hyper Jam

во ИТ настани

Македонската асоцијација за развивање игри (МАГДА) продолжува со своите активности ова лето. Во соработка со CrazyLabs и British Council организираат 48-часовен маратон за развој на видеоигри. Хакатонот MAGDA 1UP Hyper Jam се одржува на 18-ти и 19-ти јуни, и по подолго време ќе имаме хакатон кој се одржува во живо.

Сите кои веќе учествувале на хакатон, веројатно ја знаат процедурата. На 18-ти јуни доаѓаат со свој компјутер, лаптоп и сета опрема која им е потребна. На овој настан учесниците ќе можат да одберат од две прилично широки теми, Hyper Casual Simulation или Hyper Casual Puzzle. Потоа седнуваат и во следните два дена прават основен прототип на играта. На крај за најдобрите тимови има и награди од 500, 400 или 300 евра, и поважно, можност за договор со CrazyLabs за прототипирање и тестирање на играта како и пристап до нивниот CLIK дашборд

Сè останато што може да им е потребно на учесниците, на пример, храна, сокови, чаеви, кафиња и грицки, ментори, енергетски напитоци и овошје, ќе биде обезбедено од МАГДА. Тие само ќе треба во овие 48 часа да бидат максимално креативни и продуктивни.

Ако сте малку збунети од темите, од МАГДА споделија неколку примери за типот на игри.

Hyper Casual Puzzle игри! (примери: https://bit.ly/3xlOepg, https://bit.ly/3mwfaxG, https://bit.ly/3aNacdr, https://bit.ly/3mEXn7n)

Hyper Casual Simulation игри! (примери: https://bit.ly/3xAjQc8, https://bit.ly/3Qc46U5, https://bit.ly/3tv0Wkv, https://bit.ly/3aJKEOm, https://bit.ly/3xlnJ3u, https://bit.ly/3aGaN0g

MAGDA 1UP Hyper Jam Hyper Casual Puzzle
MAGDA 1UP Hyper Jam Hyper Casual Simulation

Покрај хакатонот, посетителите ќе можат да го погледнат предавањето на Наум Михајловски од Furious Avocado кои се креатори на неколку супер-популарни Hyper-Casual хитови.

Настанот се одржува во новите канцеларии на CrazyLabs.

TL;DR

Овој викенд на 18-ти и 19-ти јуни се одржува гејминг хакатон организиран од МАГДА, British Council и CrazyLabs. Учеството е бесплатно и може да се пријавите ТУКА!

Настанот по подолго време се одржува во живо. Локацијата на која ќе се одржи се новите канцеларии на CrazyLabs. За најдобрите има и награди…

Добивај известувања
Извести ме за
guest
0 Коментари
Inline Feedbacks
View all comments
види ги сите огласи на kariera.it.mk