МОН ги стартува Наука.мк и Патент.мк

Министерството за образование и наука (МОН) го стартуваше nauka.mon.gov.mk, портал кој е јавен регистар на научниците во Македонија, и кој овозможува и следење на развојот на кариерата на секој научник во јавните научно-образовни институции, заедно со степен за образование и класификации на научни области.

Ваков регистар, кој содржи контакти и детални информации за полето на знаење, би требало да помогне на секој заинтересиран да стапи во контакт со реномиран научник за дополнителни информации и соработка.

Заштита на изуми

Министерството најави уште еден нов веб сајт – Патент.мк со кој сакаат да ги заштитат изумите и иновациите на македонските научници. Овој проект ќе биде во координација со Државниот завод за интелектуална сопственост.

„Целта е да ја зголемиме транспарентноста и да ја запознаеме македонската јавност со научната дејност во нашата земја.“, вели министерот Панче Кралев.

Од МОН велат дека го изработуваат порталот, иако не е лоша идеја првин да го регистрираат во-овој-момент-слободен домен. Потент.мк ќе биде претставен во јуни.