Салата ќе еруптира штом македонците ќе постигнат гол, вели англискиот коментатор во новото вирално видео „EHF Euro 2012 – The Macedonians Are In Town”, кое за само два дена e прегледано околу 50.000 пати.
YouTube видеото, креирано од корисникот IP14, ја доловува одличната еуфорија од Европското ракометно првенство во Србија на кое Македонија го освои петтото место, а Кире Лазаров стана рекордер по постигнати голови на сите европски првенства. Одличното видео ја прикажува и неверојатната атмосфера направена од илјадниците македонски навивачи.
„Гледајќи ја публиката ќе си помислите дека се наоѓате во Македонија.“, вели еден коментатор.
Навивањето сè уште не е завршено бидејќи Македонија во април ќе игра квалификации за Олимпијадата во Лондон 2012.
[youtube]haOax37Bsxs[/youtube]
