Стартапот Showshake на Дејан Михајловиќ и Бојан Филиповски се најде помеѓу 11-те финалисти на бугарскиот акселератор LAUNCHub кои ќе учествуваат на Long Weekend Event од 22 до 24 октомври во Софија. По дводневна интезивна работа со менторите и тренерите LAUNCHub ќе ги објави тимовите на кои ќе им биде понудена инвестиција од 200.000 евра.
ShowShake е платформа со која фановите ќе можат да побараат од сопствениците на локалите кој бенд да го донесат. Shоwshake вели дека се првото комплетно „crowd booking“ решение за забавната индустрија. Стартапот нуди функционалности кои ќе ги исполнат желбите на фановите, служи како промотивна алатка за бендовите и ќе им помогне на рестораните да ја најдат најпопуларната свирка. „Наша визија е да донесеме свежина во забавната индустрија, да се слушнат потребите на фановите и да направиме нивниот сон да биде реалност. Сакаме да обезбедиме нова алатка која ќе го дигитализита целиот процес на организација и ќе ги елиминира ризиците поврзани со него…“, вели тимот зад Showshake.
Покрај Showshake во последната фаза влегуваат уште десет стартапи од Бугарија, Србија, Словенија, Хрватска, Германија, САД и Обединетото Кралство.
- Carista (Бугарија): Мобилна апликација за конфигурација и дијагноза на проблеми за автомобили.
- Colombi.io (Хрватска): Crowdsourcing платформа која е наменета за информативните медиумски компании
- Doctrina (Словенија): Професионална фармацевтска платформа.
- Edentix (Софија/Берлин/Лондон): Решение за онлајан идентификација на идентитет.
- Fliiby (Србија): Платформа која на издавачите им овозможува креирање на профили, кој потоа корисниците можат да ги споделат со своите пријатели.
- Fueloyal (САД): Овозможува контрола на горивото во резервоарот, а со тоа и ја намалува и можноста за кражба или злоупотреба на горивото.
- Humintio (Србија): Crowdsource платформа која за огласување и реклами, овозможува контекстуално рекламирање.
- Reloyality (Бугарија): Презентира начини на кои може да заработат bitcoin-и.
- Showshake (Македонија)
- Tizu (Грција): iPhone апликација која овозможува испраќање на тајни пораки на вашите пријатели.
- Vizitrack (Бугарија): платформа која им нуди податоци за автосалоните за посетителите кои доаѓаат, а треба да им помогне за подобро рекламирање кон клиентите.
Досега само еден македонски стартап успеа да добие 30.000 евра од бугарскиот акселератор. Тоа е Tesseract Interactive кои од неодамна ја претставија својата игра и на Steam, и кои всушност се прва игра во која инвестираше акселераторот. Друг хрватско-македонски стартап кој доби 25.000 евра инвестиција од вториот бугарски акселератор Eleven, е u:Plug кој сака да ги модернизира домашните штекери.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
