По шест години натпреварување во Counter-Strike, македонскиот гејминг тим ENTiTY додаде и екипа за DotA 2. DotA и League of Legends се популарните MOBA игри околу коi се креираат цели е-спортски лиги со неверојатни парични награди, па не е изненадување што и најуспешните македонски гејмери сакаат да се вклучат во натпреварувањата. ENTiTY се содржи од два тима по пет члена – поискусниот се натпреварува во Counter-Strike: Global Offensive, а другиот во DotA 2. Според Александар Киселинов од ENTiTY, тимот за DotA 2 е составен од „најдобрите играчи во Македонија“. Моментално тимот се натпреварува во Gigabyte Challenge, а од среда ќе започне и со Balkan DotA 2 Championship.
„Целта е да играат сите онлајн лиги и турнири кои ќе можеме да ги играме а исто така во план е да се оди на LAN натпревар во некои од нашите соседни земји. Во моментов нема конкретни информации за LAN натпревар но би моби можело да биде тоа во јуни“, вели Александар.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
