Бојан Серафимов, Климент Серафимов, Васил Кузевски и Филип Беџовски се враќаат од Тајпеј, Тајван, со еден сребрен и два бронзени медали на 26-тата Интернационална олимпијада по информатика. Според Здружението на информатичарите на Македонија, ова е најголемиот успех на македонски програмери на интернационалните натпреварување по информатика.
Македонскиот тим беше предводен од двајца ветерани од ФИНКИ, Миле Јованов и Емил Станков, кои велат, за Мендо.мк, дека за ваков резултат е потребно да се има талент, но и желба, мотивација и упорност да се жртвува слободното време за континуирање усовршување во алгоритамското програмирање.
„Нашите ученици преку постигнатите резултати повеќе пати до сега докажаа дека поседуваат голем талент, како и исклучителна мотивираност и упорност, но на IOI 2014 допреа речиси до самиот светски информатички врв за својата возраст“, вели Емил Станков, асистент на ФИНКИ.
Според Миле Јованов, претседател на Здружението на информатичари и лидер на тимот, ваквите резултати на тројцата матуранти од тимот им го отворија патот да студираат во САД и Обединетото кралство на едни од најпрестижните светски универзитети.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
nemore na finki ke ucat. sekoja cest bravo :D