Crack Your Screen HD е една од победничките Android апликации на Samsung Smart App Challenge во категоријата на апликации кои не се игри. Победата можеби беше сигурна ако се знае дека квалитетот на првата верзија на Crack Your Screen, објавена пред скоро година дена, привлече вкупно 10 милиони симнувања на Google Play и останатите продавници.
Победничката апликација е креирана од студиото за мобилни и веб апликации G6 Solutions, составено од пет пост-дипломци и дипломирани од ФИНКИ. Дечките кои ги креираа мобилните апликации Tic Tac Toe, Transparent Screen и Minesweeper Marathon, сега пред себе имаат малку поинаков предизвик.
G6 Solutions ќе настапат во Белград на Balkan Venture Forum каде се меѓу 40-те стартапи-финалисти кои ќе ја претстават својата идеја пред можни клиенти и инвеститори. Во моментов G6 Solutions не сакаше да ни го открие проектот кој ќе го презентираат, но ветија дека ќе го споделат искуството по натпреварот.
Crack Your Screen HD и oстанатите апликации на G6 Solutions ќе ги најдете на Google Play и Аpple App Store.
[youtube]8FO0TkuDI2M[/youtube]
За каква практична примена се користи апликацијава?
Takva sto nosi 100 000 dolari :)
Браво.
Bravo, sekoja cest!