Google тестира Maps апликација за iOS, пишува Wall Street Journal повикувајќи се на извори кои велат дека ја виделе апликацијата. Според нив, Google Maps за iOS е скоро готова и наскоро ќе биде достапна на Apple App Store.
Aпликацијата ќе има и GPS навигација која ќе го олесни возачите. Оваа функционалност популарна на Аndroid уредите, не беше достапна на претходните мапи кои ги користеше Apple.
Google Maps за iOS се очекуваше уште во првиот ден кога Apple најави дека во iOS 6 ќе ги замени мапите на Google за своите Apple Maps. За жал на корисниците на iOS, мапите на Apple не само што не беа ни блиску до квалитетот на Google Maps, туку беа толку лоши што го натераа директорот на Apple, Тим Кук, да се извини јавно.
Тоа што е интересно е што веста за Google Maps за iOS се појавува само два дена откако Nokia ги најави своите ребрендирани Here Maps кои ќе бидат бесплатни првин за iOS, а потоа и за Android и Firefox OС.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
