Learnstift e прототип на паметно пенкало кое наскоро може да се најде во училиштата. Креатори на пекалото се Фолк Волски, Даниел Касмахер и Алекс Ханке. За разлика од останатите слични проекти кои овозможуваат интересни функции, Lernstift е фокусиран да биде асистент додека децата учат да пишуваат.
Пенкалото има два мода на работа, едниот помага за точно пишување, а вториот „калиграфски“ помага за убаво пишување, секој пат кога корисникот ќе направи грешка пенкалото вибрира. Пенкалото работи со најобични мини, но тие навистина не се потребни бидејќи тоа функционира сосем добро без разлика дали пишуваме на хартија или во воздух. Во првата фаза пенкалото ќе ги препознава само погрешните зборови, но за во иднина се најавува верзија која ќе ги забележува и граматичките грешки.
Пенкалото всушност е паметен телефон од кој се извадени сите непотребни делови, а оставени се сензор за движење, мини комјутер на Linux и WiFi модул. Пенкалото ќе биде достапно од 28 март во онлајн продавницата, а цената најверојатно ќе биде пониска од 100 евра.
[youtube]kX-8dU7-QrQ[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
