Реалноста во Македонија е премногу забавна за да има само еден конкурс со кој ќе се слави сатирата. Време е за нов, втор #кромидфест со тема „Туѓината пуста нека остане, младината реши тука да остаре!“. Правилата на конкурсот, организиран од Радио МОФ, е да се креира сатирична содржина во форма на лажни вести, симболично наречени на Twitter како #кромид според Onion, еден од најпопуларните сајтови за ваква содржина кој често е цитиран по грешка како релевантен извор од македонските медиуми.
Правилата се едноставни – да се креира сатирична содржина за млади луѓе кои сакаат да останат во Македонија, бидејќи тука е најубаво! На конкурсот може да се учествува со било каква форма на содржина, од видео, аудио, фотографија, текстуална форма или комбинација од неколкуте. Рокот на конкурсот е до 9-ти јуни 2014-та година, по што ќе биде избран победник, по пат на гласање од публика и жири, кој ќе добие Google Nexus 7 таблет компјутер. Апликациите треба да се поднесат на [email protected], заедно со контакт телефон, име и презиме на авторот. Повеќе ќе прочитате на сајтот на Радио МОФ.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Vendor 
