Крипто-експертот Јордан Стојановски со проектот IPDEX освои вредни награди на глобалниот blockchain хакатон: HackMoney 2022

За кодерскиот татко-ќерка тандем составен од Јордан Стојановски и неговата ќерка Андреа пишувавме во ноември, минатата година кога дуото освои прво место на хакатонот организиран како дел од Bitcoin конференцијата во Ел Салвадор. По овој хакатон, тандемот учествуваше и освои прва награда и на LatAm Algorand Hackathon 2021 во Чиле некој месец подоцна.

Но, повод за оваа вест е тоа што пред некоја недела во мај, Јордан, самостојно учествувајќи на еден од најголемите blockchain хакатони во светот – HackMoney 2022 ,освои најголема вкупна сума од награди кои ги доделуваа спонзорите. Најзначајни спонзори на настанот се IPFS/FileCoin (Protocol Labs), Uniswap и Aave, а проектот на Јордан го наградија токму тие – IPFS/FileCoin го прогласи проектот IPDEX како “Најдобра примена”, а Uniswap преку нивната Grants Program го прогласија како “Најиновативен проект” на хакатонот.

Јордан е искусен програмер, математичар, инвеститор и татко на Андреа која штотуку е дипломирана и ја отпочнува својата кариера… Живеат во Њујорк и редовно се на релација Њујорк – Битола, од каде што и потекнуваат. Ако името ви звучи познато, тоа е затоа што за Јордан веќе пишувавме пред две години кога ја токенизираше вевчанската валута личник со цел промоција на Вевчани и го направи Крипто Личник.

Андреа немаше можност да го дружи својот татко на овој хакатон бидејќи последните два месеци е посветена на својата кариера – сега веќе регрутирана на прилично одговорна технолошка позиција и дел од т.н. Quant (Quantitive Execution Services) тим од страна на американската мултинацинална инвестициска банка JP Morgan, но тоа не го спречи Јордан да продолжи со походот во крипто-светот, веќе претворајќи го учеството во DeFi хакатоните и креирање на вакви проекти како свое хоби.

Учесниците на HackMoney 2022 доаѓаа од 76 земји ширум светот

Што е HackMoney 2022?

HackMoney 2022 е најголемиот настан организиран од страна на ETHGlobal – глобална заедница спонзорирана од најголемиот blockchain и DeFi проекти како Etherium Foundation, Chainlink, Polygon, Uniswap Grants Program, ConsenSys, IPF/FileCoin, 1inc… во своето досегашно работење ETHGlobal има организирано преку 42 хакатони и настани и доделено повеќе од 3.5 милиони US долари во награди.

На овогодинешниот HackMoney учествуваа повеќе од 1.200 учесници од 76 земји во светот, а на крај се пријавија 214 проекти кои беа надгледувани од скоро 250 ментори. Фондот на награди на хакатонот изнесуваше повеќе од 300.000 USD.

DeFi хакатонот HackMoney 2022 беше виртуелен хакатон под мотото “Build the Future of Finance” и траеше од 6-ти до 27-ми мај, а Јордан учествуваше со своето решение IPDEX – Интерпланетарна Децентрализирана Берза.

“Децентрализираните берзи на криптовалути на основа на паметни договори (Smart Contracts) воглавно се основаат на фиксни формули за автоматизација (АММ) и не се погодни за тргување на комплексни (нелинеарно корелирани) финансиски инструменти. Решението е табела на понуди и побарувачки (Order Book), нажалост досега непрактично скапо за децентрализација. IPDEX нуди прво бесплатно решение за берза на ваква основа, користејки комбинација на криптографски и комуникациски решенија и постоечките технологии на паметни договори и IPLD (InterPlanetary Linked Data).” – го објаснува своето решение Јордан.

Подетално објаснување на IPDEX ќе пронајдете во видео презентацијата од хакатонот:

IPDEX – InterPlanetary Decentralized EXchange

IPDEX користи IPFS децентрализиран насочен ацикличен граф (DAG) со цел да се одржи навистина децентрализирана заедничка книга за условни нарачки (CLOB). Секој запис во книгата на нарачки е потпишано овластување за повикување на одредена функција од паметен договор во име на потписникот, после задоволена исплата и други услови. Овие овластени повици воглавно менуваат едно финсниско средство за друго. За да ги одржува учесниците актуелни со најновата состојба, CLOB ја користи услугата IPFS децентрализирана PubSub, како и настаните од EVM за известување за делумни егзекуции. Имено, својството на содржинска адресабилност на IPFS DAG овозможува ефтино повторно објавување на делови од CLOB, бидејќи целиот под-DAG е уникатно идентификуван со CID на горниот јазол, избегнувајќи ја потребата за често длабоко пребарување на графот.

Front-end делот е напишан во React и ги користи IPFS API-јата, како и Ethers.js за проверка на условите и извршување на трансакции во синџирот. Има имплементирано само извршување во EVM, иако истата технологија може да се користи и за многу други блокчејни

А бидејќи бевме љубопитни за овој поход на Јордан, решивме и да му поставиме и некои дополнителни прашања….

Што те мотивира да учествуваш на овие хакатони? Дали учеството е за наградите кои се нудат или станува збор за сосема нешто друго?

Сè почна со желбата да се подружам со ќерка ми преку нашите професии. Сега мене ова ми постана хоби, а и лесен начин да покажам дека ова што го правам не е халуцинација. Наградите не се занемарливи но не и големи. Но, како последица ни се понудија бесплатни грантови и инвестиции од така наречени Venture Capital фондови, со два од кои сум во посериозно спогодување.

Кој е бенефитот од кодирањето на вакви прототип решенија кои се презентираат пред широк аудиториум и се јавни?

Учење, контакт со други луѓе со слични интереси, популаризација на проектите и привлекување на инвестиции.

IPDEX

Дали некое од развиените решенија на хакатонот имаш интерес да се претвори во реален бизнис и што е потребно за тоа?

Да, сите, воколку е реалистично. За сега Focus Protocol привлекува инвестиции, а се надевам наскоро IPDEX, NFT Lending Auctions и Pactum Verum (претходно LegalNFT). Но се зависи од реалните можности за инвестиции, маркетинг, наоѓење на соработници и време.

Крипто-пазарот е драстично паднат во моментот, дали тоа го намалува интересот кај инвеститорите да инвестираат во Defi и централизирани крипто-решенија?

Воопшто не се осеќа намалување на интересот. Можеби е добро да се исчистат шарлатанските „проекти“ кој без разлика привлекуваат внимание. Веројатно ако падот потрае подолго, инвесторскиот интерес би се намалил. Можеби ова е време да се седне и да се сработи.

Дали има очекување кодерскиот тандем повторно да се врати на сцена, или Јордан засега продолжува сам во освојување на глобалните DeFi хакатони?

Тоа е моја желба, но ќерка ми си одбора свој пат, како помлада и поперспективна…

Што се дискутира на ИТ форум...Kоментари на статија (0)

Loading new replies...

Спиеш ли мирно господине @dekomote ?

одговори 1 реакција

"Андреа немаше можност да го дружи својот татко на овој хакатон бидејќи последните два месеци е посветена на својата кариера – сега веќе регрутирана на прилично одговорна технолошка позиција и дел од т.н. Quant (Quantitive Execution Services) тим од страна на американската мултинацинална инвестициска банка JP Morgan"

Бар ќерка му сфатила :)

одговори 8 лајкови

"Андреа немаше можност да го дружи својот татко на овој хакатон бидејќи последните два месеци е посветена на својата кариера – сега веќе регрутирана на прилично одговорна технолошка позиција и дел од т.н. Quant (Quantitive Execution Services) тим од страна на американската мултинацинална инвестициска банка JP Morgan"

Бар ќерка му сфатила :)

Чудно како таму се вработила кога таа компанија ја држи Грк(или пола Грк) што многу интересни коментари имал за Македонија.

одговори Лајк

Чудно како таму се вработила кога таа компанија ја држи Грк(или пола Грк) што многу интересни коментари имал за Македонија.

Не е чудно ако претпоставиме дека капиталистот не го интересира национализам, туку профит.

одговори 1 реакција

Добивај известувања
Извести ме за
guest
4 Коментари
Најнови
Најстари Со највеќе гласови
Inline Feedbacks
View all comments
види ги сите огласи на kariera.it.mk